Skip to Main Nav Skip to Main Content Skip to Footer Content

No ka ʻŌlelo Hawaiʻi

Ke Kulekele Mahele ʻŌlelo Hawaiʻi

 

The Judiciary will provide or permit qualified Hawaiian language interpreters to the extent reasonably possible when parties in courtroom proceedings choose to express themselves through the Hawaiian language.

E hoʻonoho ana a i ʻole e ʻae ana ka ʻOihana Hoʻokolokolo i kekahi mahele ʻōlelo Hawaiʻi kūpono, inā hiki me ʻole ka paʻakikī loa, ke koho kekahi ‘ao’ao ma nā hoʻokolokolo ʻana ma ka lumi hoʻokolokolo e hoʻopuka i kona manaʻo ma o ka ʻōlelo Hawaiʻi.

Kokua Mahele ʻŌlelo

 

Pehea e Noi i Mahele ʻŌlelo no kekahi Hoʻokolokolo ʻAna

  1. Pono ʻoe e hele i ka ʻaha hoʻokolokolo e ʻike i ka luna kānāwai i kou manawa ʻaha hoʻokolokolo
  2. Ma ka ʻaha holokolo, hiki iā ʻoe ke

a. Noi i ka luna kānāwai i mahele ʻōlelo

b. Hāʻawi i ka luna kānāwai i kekahi leka noi i mahele ʻōlelo

c. Hōʻike i ka luna kānāwai i kou kāleka hōʻoia ʻōlelo

d. Hiki i kau loio ke noi i ka luna kānāwai i mahele ʻōlelo nou, ma ka haʻi waha ʻana a i ʻole ma ke kākau ʻana.

Ma kou ʻaha hoʻolohe, hiki i ka luna kānāwai ke ui iā ʻoe i nā nīnau. E hoʻoholo ana ka luna kānāwai inā hiki iā ʻoe ke hoʻohana i kekahi mahele ʻōlelo. Inā e hoʻonoho ʻia ana ka mahele ʻōlelo e ka luna kānāwai, manuahi ka mahele ʻōlelo.

Pehea e Hoʻohana i kekahi Mahele ʻŌlelo ʻAha Hoʻokolokolo

Ke hoʻonoho nei ka ʻaha hoʻokolokolo i mahele ʻolelo me kou ʻuku ʻole. ʻAʻole e kū ka mahele ʻōlelo i kekahi ʻaoʻao. ʻO ka mahele ʻana i kou ʻōlelo ma ka ʻōlelo Pelekania a me ka mahele ʻana i ka ʻōlelo o nā poʻe ʻē aʻe ma kou ʻōlelo ko ka mahele ʻōlelo kuleana hoʻokahi.

Koʻikoʻi nō kēia:

  • HOʻOLOHE pono i ka mahele ʻōlelo.
  • KALI i ka mahele ʻōlelo e hoʻopau i kona ʻōlelo ma mua o kou ʻōlelo ʻana.
  • ʻŌLELO ME KA MĀLIE A ME KA MŌAKAKA ma kou ʻōlelo i hiki ai i ka mahele ʻōlelo ke lohe i nā mea a pau ou e ʻōlelo.
  • ʻŌLELO pono i ka loio a i ʻole ka luna kānāwai, ʻaʻole i ka mahele ʻōlelo.
  • Mai kahamaha ke ʻōlelo nā poʻe ʻē aʻe. Hiki iā ʻoe ke ʻōlelo i kou manawa.
  • Mai noi i ka mahele ʻōlelo no ke kokua a i ʻole ka ʻike e pili ana i kou hihia.
  • Inā he nīnau kāu a i ʻole ʻaʻole hiki iā ʻoe ke maopopo i ka mahele ʻōlelo, haʻi i kou loio, nā poʻehana ʻaha hoʻokolokolo, a i ʻole ka luna kānāwai i manawa ʻānō.

Ka Lilo ʻAna i Mahele ʻŌlelo Hawaiʻi ʻAha Hoʻokolokolo i Hōʻoia ʻIa

Ke ʻimi nei ka ʻOihana Hoʻokolokolo o ka mokuʻāina ʻo Hawaiʻi i kekahi mau poʻe hiki ke ʻōlelo Pelekania a me kekahi ʻōlelo ʻē aʻe no ka mahele ʻana i nā ʻaha hoʻokolokolo mokuʻāina.  Inā hoihoi, e noi i ke komo ʻana i ka papa hana hōʻoia mahele ʻaha hoʻokolokolo.

Nā Koi

Palena Iki

No ka Hoʻoholo i Mua

Ua mālama ʻia ka papa a hōʻike mahele haʻi waha ʻōlelo Hawaiʻi mua i kēia makahiki o 2023 – 2024.  E hoʻi i kēia kahua pūnaewele no ka hoʻolaha ʻana i ka mālama ʻana i ka papa a hōʻike hou aʻe.

Ke Kūlana ʻOihana o nā Mahele ʻAha Hoʻokolokolo

He mau limahana ma lalo o ka ʻaelike nā mahele ʻaha hoʻokolokolo.  E heluhelu i kēia e pili ana i ke kūlana ʻōihana.

Ka Papa Inoa o Nā Mahele ʻAha Hoʻokolokolo i Hōʻoia ʻIa

Ma o ka papa hana hōʻoia mahele ʻaha hoʻokolokolo, paʻi ka Office on Equality and Access to the Courts i ka papa inoa o nā mahele hiki ke hai ʻia no nā haʻawina uku a i hoʻokō i nā koi palena iki no ka mahele ʻana ma nā ʻaha hoʻokolokolo mokuʻāina.  Hele i ʻaneʻi no ka papa inoa a me nā mea e pili ana ia.

Nā Mea ʻĒ Aʻe E Pili Ana i ka Mahele ʻAha Hokolokolo ʻAna

No kekahi mau manaʻo hou aʻe, e hele i kēia kahua.

ʻIke Mahele Hoʻokolokolo ma ka ʻŌlelo Pelekania

 

Nā Loio Hiki Ke ʻŌlelo Hawaiʻi

 

Ke hōʻiliʻili nei ka ʻOihana Hoʻokolokolo i nā inoa o nā loio hiki ke ʻōlelo Hawaiʻi i mea i kōkua i ka poʻe ʻōlelo Hawaiʻi.  Inā he loio ʻoe a hiki iā ʻoe ke ʻōlelo Hawaiʻi a makemake ʻoe e hoʻokomo i kēia papa inoa hou, e hoʻopiha i kēia.

Kekahi Mau Kahua ʻŌlelo Hawaiʻi Pili i Nā Kānāwai